Тәуелсіздік - Ұлы күн, біле білсең!

Тәуелсіздік  - Ұлы күн!

Тәуелсіздік -  Ұлы күн,  біле білсең,

Оңайлықпен келген жоқ біліп жүр сен!

Мерекені  сағына күтіп жүрген

Әр қазақтың бақытын тілеп жүр сен!

Бұл  күнді тойламауға хақымыз жоқ

Ән арна, жырға бөле, дабылды соқ.

Бабалар тәтті арманын қолға алған

    Болсыншы елім аман, халқымыз тоқ.

Бұл күнге арнап жүректен жыр теремін

Оқырманға  ой салар деп мен сенемін

Жыл сайын мерекеге мадақ арнап,

Жас ұрпақты дәріптеумен мен келемін.

Көкті тіреп желбіресін байрағым

Челленджін жасап жатыр аймағым.

      Шектеуі бар, қашықтықтан құттықтап

       Амалым жоқ, келмейді – ау сайрағым..

Жақыныңа жанашыр бол, халайық

Қашықтықтан құттықтап жар салайық.

Құрбан болған қандастардың рухына

Тағзым етіп, қол жайып, еске алайық.

Жеткілікті желтоқсанның мерекелі күндері

Қуанышпен кеуделерді толтырады гүлдері.

   Тәуелсіздік күнін қарсы ал, уақыты келді деп

       Жаңа жылдың шықпасыншы,оған дейін үндері.

Есенгазина Ляззат Шукировна

Тасты-Талды орта мектебінің  бастауыш сынып мұғалімі