Оқушыларды ыстық тамақпен қамтуды ұйымдастыру туралы мәлімет

   «Тасты-Талды ауылының жалпы орта білім беретін мектебі» КММ бойынша мектебімізде ыстық тамақпен қамту мақсатында жұмыстар жүргізіліп келеді. Мектеп асханасы  5 күндік жұмыс кестесімен жұмыс жасайды. Күнкөрісі төмен отбасының 7 оқушысы және бірінші сынып оқушылары тегін ыстық тамақ ішеді. Оқу жылының басында ата-аналар қоғамы мен мектеп әкімшілігі қатарынан бракераждық комиссия құрылды.  Мониторинг комиссиясы, бракераж комиссиясы  айына 2 рет рейд жүргізіп акттар жасақталады.  Комиссия мүшелері дайын және шикі өнімнің сапасын бақылау үшін мониторинг жүргізді. Асханада санитариялық-гигиеналық нормалардың сақталуын тексерді.  Асханадағы оқушылардың тамақтану ережелерінің және уақытылы тамақтануларының қатаң сақталуын жауапкершілікпен қадағалау мақсатында сынып жетекшілері мен мұғалімдердің кезекшілік кестесі құрылып, бекітілді. Кезекшілер оқушылардың уақытында тамаққа баруын қадағалап отырады.