Өркенің өссің, Бейбарыс!

Екінші тоқсанда біздің оқушымыз Әбікен Бейбарыс Қостанай қаласындағы М.Горький атындағы гимназия- мектебінде білімін жалғастыруға ауысты, аталған мектепте оқушылар математикалық,гуманитария бағытында пәндерді тереңдетіп оқиды. Бейбарыс жоғары математика және ағылшын тілі пәндерінен кіріспе тест жұмысын тапсырып, өте жоғары бал жинап, гимназияда білім алуға жолдама алды. 6 сыныпта Бейбарыс жоғары математика мен ағылшын тілін оқиды.Гимназия мұғалімдері біздің Бейбарыстың білім деңгейіне таң қалып, «ауыл мектебінен келген оқушының білімі дәл осындай мықты екеніне көзіміз жетіп отыр» дейді. Бейбарыс Тасты-Талды орта мектебінде оқып жүргенде аудандық Махамбет оқуларынан жүлделі орындарға ие болды, мектепте өте қарапайым, салмақты, ақкөңіл мінезімен көзге түсті. Әбікен Бейбарыстың ата-анасына баласына  жақсы тәлім тәрбие бергені үшін алғысымыз шексіз.