Жас мұғалім – кәсіби жетістікке жасалған сенімді қадам

Мектебіміздің жас математика пәні мұғалімі Сапабек Максат Кенесарыұлы «Жаңа мектепке – заманауи мұғалім» атты кәсіби байқауға қатысып, өз шеберлігін көрсетті. Аталған байқау шығармашылықпен жұмыс істейтін педагогтерді анықтауға, заманауи оқыту әдістерін насихаттауға және озық педагогикалық тәжірибе алмасуға бағытталған.

Байқау барысында қатысушылар ашық сабақтар өткізіп, әдістемелік жұмыстарын ұсынып, заманауи білім беру технологияларын меңгергендерін дәлелдеді. Сапабек Максат Кенесарыұлы мектебіміздің намысын лайықты қорғап, жоғары кәсіби дайындық деңгейін, оқытудағы шығармашылық көзқарасын және оқушыларды пәнге қызықтыра білу шеберлігін көрсетті.

Байқау қорытындысы бойынша ол жүлделі III орынға ие болды. Бұл – жас маманның кәсіби өсуінің айқын дәлелі.

Сапабек Максат Кенесарыұлын жеңісімен шын жүректен құттықтаймыз! Алдағы уақытта да шығармашылық табыс, жаңа жетістіктер мен толағай жеңістер тілейміз!