03.10.2025
Мұғалімдер күні қарсаңында ұстаздарға деген ыстық ықылас пен шынайы алғысқа толы мерекелік іс-шаралар өтті. Таңертеңнен бастап оқушылар өз ұстаздарын қуанышты күлкімен, жылы лебіздерімен қарсы алып, ашық хаттар мен гүлдер сыйлады. Мектеп ішінде нағыз мерекелік көңіл-күй орнады.
Бұл күні мектепте өзін-өзі басқару күні ұйымдастырылып, жоғары сынып оқушылары мұғалім рөлін қабылдап, бастауыш сыныптарға сабақ өткізді. Олар өздерінің қабілеттерін, жауапкершілігін және шығармашылық қырларын көрсете білді. Мұндай тәжірибе оқушылар үшін қызықты ғана емес, сонымен бірге кәсіби бағдар беруде үлкен маңызға ие болды. Кейбір оқушылар болашақта өз өмірін ұстаздық мамандықпен байланыстыруға ниеттенетінін айтты.
Мерекелік шара аясында концерт те ұйымдастырылды. Оқушылар сахнаға шығып, ән айтып, би билеп, ұстаздарына көтеріңкі көңіл-күй сыйлады. Осындай көріністер ұстаздар мен шәкірттер арасындағы сыйластық пен жылулықты айқындап, мектеп ұжымының бірлігін көрсетті.